صوره
.............
رجاله بعمم وشناب عاملين دايره
وكوم رمل فى النص
ينفخوا فى اديهم ويفتلوا
رمل من صوابع رجليهم
لحد الكف
من سنين وهما كده
لحد دلوقتى مفيش حبل رمل اتلف
..................................................
ببساطه كده
...............
تروح البنت جوه مرايه ليل
وتفتش جوه تفاصيلها
عن عنوان للاماكن
اللى عمر ما حد زارها
البنت كبرت
والاماكن اتغيرت ملامحها
وانا واقف جوه عنيها
لانى ببساطه كده كنت مرايتها
.................................................
قرايه
........
بفتح الجرنان
اقرا حظى
واشرب قهوه
وادخن سيجاره
واقوم
بقعه دم على بنطلونى
البقعه تزيد
وتزيد
وتزيد
ت
ذ
ي
د
الجرنان بينزف دم
انفجر جواه وريد
...................................
اعتراف
............
انا ولا حاجه
.......................................................................
هناك تعليق واحد:
بتتفرج على بيحصل من مسافة
جميلة الصور والتعبيرات
إرسال تعليق