هل انت راضى عن المدونة شكلا وموضوعأ؟
بحاول اكون راضى عمرى
ما عملت حاجه خاصه بالابداع وكنت رااضى عنها بشكل كامل
هل تعلم أسرتك الصغيرة بأمر مدونتك؟
لا..... ومبسوط من الحاله دى
هل تجد حرجا فى أن تخبر صديقاً عن مدونتك؟ هل تعتبرها أمراخاصا بك؟
واحد بس اللى يعرف بالتحديد وطلبت منه انا يقرا ومش يسائلنى ... هى فعلا امر خاص الناس بتشوفنى بكتب بس فين ولمين لا محدش يعرف
هل تسببت المدونات بتغير ايجابى لافكارك؟ اعطنى مثال فى حالة الاجابة بنعم؟
لا ... افكارى اللى موجوده جوايا من زمان المدونات صحت الافكار يعنى خلتنى افتكر شبابى بحس بلغيره من الشباب الصغير اللى بيكتب نفس افكارى ونفس الحاجات اللى انا كنت بفكر فيها فى السن ده ... مشكلتى مش عارف ابقى صغير من تانى
هل تكتفى بفتح صفحات من يعقبون بردود فى مدونتك ام تسعى لاكتشاف المزيد؟
اسعى لاكتشاف المزيد طبعا انا بحاول اوصل لتصورات عن الاشخاص من خلال تعليقاتهم
مش تصورات شخصيه لكن عن الافكار وطريقتهم وادائهم فى التعبير عن اللى جواهم بدون خوف
ماذايعنى لك عداد الزوار.. هل تهتم بوضعه فى مدونتك؟
كتبت مدونه محدش علق عليها زعلت .... بس قاعدت اضحك على نفسى لانى اكتشفت انه مش مهم حد يعلق المهم انى كتبت اللى جوايا وبقوه
هل حاولت تخيل شكل اصدقائك المدونين؟
الصور اللى بيحطوها فى المدونات بتاعتهم دليل على شخصياتهم ده كفايه
هل ترى فائدة حقيقة للتدوين؟
نفس عميق بعد ما بكتب برتاح يمكن اكون بفكر بائنانيه بس الارتياح ده هو السعاده اللى مش بلاقيها دايما يمكن دى تكون فايده شخصيه مش عارف
هل تشعر ان مجتمع التدوين مجتمع منفصل عن العالم المحيط بك ام متفاعل مع احداثه؟
اول مره اشوف فيها المدونات قاعت يوميتن او تاتته اقرا بس كنت مندهش جدا لكميات الافكار المتفاوته بس الصراحه متفاعلين وبقوه مع كل الاحداث ولو مش فى تفاعل حقيقى من البعض بيبقى نتيجة ضغط كل واحد على حسب ضغطه
هل يزعجك وجود نقد بمدونتك؟ ام تشعر انه ظاهرة صحية؟
بالعكس بنبسط .... النقد مش وحش علشان تكون متفاعل اكتر حتى لو كان اللى بينقدك ضد افكارك
هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
خوفت فى الاول ... انا صاحب تجارب ... لا اندهشت من فكرة الاعتقال للمدونين بس عاجبتنى واضح ان الموضوع مش سهل يعنى الموضوع بيضرب فى منطقه تخوف ... بس بجد ما بقتش اخاف دلوقتى عادى يعنى
هل فكرت فى مصير مدونتك فى حال وفاتك؟
مش مهم
مين اكتر مدونين أثروا فيك؟ وليه؟
الصراحه eve .... انا مشوفتش فى حياتى قوه كده
لانها بتلمس كل الحاجات جواك وتصحيها
مين من المدونين بتحس انه شبهك؟
كل واحد من اللى بيزورونى فى مدوناتى بس انه حته منى ... لا مش معنى كده انى عايز كل الناس تزورها لا بس انا قصدى ان كل واحد منهم بحس انه بيكملنى
آخر سؤال: تحب تسمع ايه؟
اى حاجه لمنير لو سمحت بس تكون من البوم اتكلمى
اكتب اسماء خمسة مدونين ليقوموا بهذا الاستقصاء بعدك
eve
ابن الشارع
دنيتى
sahar
بعدك على بالى

كلمتين

كلمتين
انتى مسافره؟
اه
امتى ؟
مش عارفه .
......... طيب

اربعينى الملامح

ادخل من صفحة
الرمل
وحيدا انقش تفاصيلى
اتتحسس حبات الرمل
واتحسس لحظه الجرح
بين تفاصيله
وتفاصيل ملامحى
اربعينى الملامح
اربعين عاما من الا جدوى
ومن لحظة الجرح الى لحظه الجرح
ومن تفاصيلى التى قتلتها الى تفاصيلى المقتوله من جديد
اربعين عاما اكتب فيها للهواء
والهواء له فضاء اخر غير فضائى
والون صورتى بغير ملامحى
كان لى ... ما ليس لى كان لى .... ما ليس لى
اربعين عاما من شرفة الوقت رحلت
واناا نتظر على مرافىء صمتى
تلاحقنى الاسماء والعناوين
والمدن التى رحلت من حقيبتى
والصور التى علقتها على حوائط من زبد البحر
اربعين عاما رحلت وانا لم اعود .........

ريحة الشمس

لما بينتهى يومى
اللى بيبتدى عند الناس
بكون تعبان
بدور على احلامى
ازاى يحلم جسد
ميعرفش غير السفر
؟؟؟؟؟؟؟
......................
بحب ملامحك
وبحب كل شىء يشبهلك
بتعدى على جسور ممدوده بين شراينى
بتروحى فى سكة قلبى
سكتى دايما مفتوحه
على البحرى
بحب كلامك
وبعشق صوتك وادور علية
فى الهوا بعد ماتمشى
امشى فى سكتك مارجعش
معرفش ومفهمش غير انى بحبك
وانتى ؟؟؟؟؟؟؟؟؟
عمرك ما عرفتى انى دلوقتى
بجد
كرهتك
....................................
يا امى
انتى ليه بتسكنى هناك
ليه بتسكتى على صمت هناك
مجروح صوتى بدونك
مكسور جوايا ابويا
واخويا بيعلق عنيه
على شماعة جسمى
ويقولى : مالك ؟
مالى يا ا ما ؟
مالى ؟
خوفى اللى كنت بد فته جوه صدرك بيطاردنى
بقيت واقف اتلفت عليه وعليكى
مش لاقى حد فينا
طب خدينى
هناك كويس ؟
هناك اريح ؟
اكيد .............. علشان انتى مارضتيش ترجعى
سيبانى لمين ؟
تعبت وتعبت منى
...................................

ايه ؟ عجبك الطعم ؟
طب كملى باقى الطبق
ده انا عامله ليكى مخصوص
عارفه ؟
شلت الجلد
وخليت اللحمه
عارفه ؟
بقالها فى الشمس فو ق سطح البيت قد ايه ؟
اربعين سنه
اربعين سنه
وانا واقف فوق على السطح
سالخ جلدى
ومستنى
لحمى يستوى على ريحة الشمس
ايه رائيك فى الطعم ؟

ستوب كادر

ستوب كاد ر
..................
واقف وسط الميدان باتلفت
وان هناك قاعد على القهوه
شايفنى
واقف
عايز اشاورلى
علشان اخد بالى منى
مشفتنيش
رفعت ايدى
انا هنا يا انا
فى الزحمه مش شايف
يا انا ... انا هنا
ساعات طويله بتمر
ومش باقى غيرى فى الميدان
وانا لميت رجليه على الكرسى بردان
لانا شايفنى ولا انا عارفنى
يا عم انا هنا
بقعد على سلم المترو مستنينى
وانا مش بتحرك من على الكرسى

لا انا بروحلى ولا انا بيجينى
ستوب كادر
.......................................

البنت بتسافر جوه عنيا
بتركب اخر مواصله لقلبى
دايما مستنيه اخر كرسى فى العربيه
احسن
علشان تلمسنى
او تبوسنى
شنطتها مليانه حاجات كتير
قلم روج
قميص نوم
ومرايا عمرها ما شافت نفسها فيها
وصور ه واحد شبهى
سنين بتعدى والبنت معاها شنطتها
بتسافر جوه عروقى
ادمنت البنت ؟
ولا شنطتها ؟
وفى اخر سفريه
كنت بنزف دم
نزلت على الاسفلت
سافرت
نسيت شنطتها
وصورتها جوه عروقى
اتارينى كنت محطه من محطاتها
ستوب كادر ...........
............................................
مش عارف اتخلص
من روحى
متبته فيه كائنها
مشافتش جسم زى جسمى
روحى بتاكل كل ملامحى
روحى مش عايزه تتخلص منى
ستوب كاد ر..............
...................................................
انا هايف مش كده ؟
ستوب كادر