الأحد، ديسمبر 27، 2009

براح مش بتاعى


واقفه دمعتى

على بوابة عنيه .... حجر

جوايا سفر

وغنا متحاش

وليل بيجى صدي

ونهار مجاش

ولا حد يحضنى

يلم ضلوعى يكسرنى

يفتح جوايا وبيعترنى

ارتاااااااااااااااااااااااح من براح مش بتاعى

ارتاح من وشى الخايف

ارتاح منى شويه

ننى عنية

خوفى الساكن جوايا

صورتى

ولا عايز ارتاح منك

ومش عايزغير انك

تلمسى حروفى لمس

وتهمسى ليه من غير حتى ما حس

قادر ارتاح من براحك ... ومش قادر

قادر اشيلك من جوايا .... ومش قادر

بتشد ليكى شد

بتحيرينى من غير حد

وبتدارينى كأنى ذنب

وباب مفتوح .... على غياب

وانا ناسك عابد

فارش توبى المقطوع على بابك

شارب من سبيلك هجر

و عاشق فيكى طعم الصبر / مر

ولما اقول بحبك ...

كأنى ..... .... كأنى ايه ...؟

قولى انتى ....




























الأربعاء، ديسمبر 23، 2009

فينك ؟؟؟؟؟؟؟؟ انا من غيرك

متغير لونى .... غايب لونك
فينك ؟ فينك ؟
لسه شايله خوفك
ومتحنية بالرعشه كفوفك

ياااااه ..... بجد فينك ؟

سؤال مش فى مكانه
سؤال مقدرتيش تجاوبى عليه

عارف عارف مش فى امكانك ...

انا لو مكانك
اهملنى

اضيعنى

او احرق الجثة وبعترنى تراب
وغياب

مرجعش حتى لصورتى
وقول وحشنى
..............

وبترسمى صورك

على مرايه وتسيل الوانك

تنكر عنوانك

بتعيشى اليوم محرومه
من اللون
من كون فاتح دراعاته لحلم فاتح

مش عايزه
عتاب

عايزه اصحاب



مش عايزه


سؤال فى الذكرى

مش شايفه غير لون رماااااااااااااادى



طب على مين انادى

على مين ؟ مقدرش اقول غير

فينك ؟



انا من غيرك ؟؟؟؟؟؟؟؟؟

.................................

ملحوظه :

انا كنت الايام اللىفاتت عيان جدا

بس السن ليه حكمة




الجمعة، نوفمبر 20، 2009

يا استاذ : انت نازل فين ؟


البنت اللى قطعت لروحى تذكرة

نزلت

سألنى : يا استاذ : انت نازل فين ؟

قلت :

اقرب صحرا ..... ممكن ؟

قالى :

احنا اصلا فى الصحرا

وانت كنت نايم .... ناااااااااااااااايم

قلت : والبنت ؟

قال : نزلت

فنزلت

.................... والله نزلت


الثلاثاء، نوفمبر 03، 2009

مش عارف


وبيرجع صوتى لجوه

متحاش من تفاصيلك

خايف من لحظة ضعف

خايف من لحظة خايف

وبتيجى لحظة ( مش عارف )

جملة تلخبط كل كيانى ...

وبترسمنى بوش حقيقى

بتخلينى ابلع ريقى الناشف

( مش عارف )

اخر جملة بتطلع من جوفى المليان

حكياتى الخايفه ... جوفى المليان بالرجفه

بيتدبل جوايا

وتنطقها شفايف ... ( مش عارف )

انا مش عارف

اتحط جوه عيونك

لرسم لونك ... زى الناس

متورط محتاس

متورط احساس

وكلام مدفون جوايا الخايف

انا عرف

انى الوهم

اى الفرض

وحكاياتى قديمة ومتعاده

انا عارف انى الكدبه المعتاده

والاحلام مرفوضه

حتى كلامى خايف

عارف والله عارف

اقول احساسى ؟

اقول انى بعمل ناسى

واتقلب على جمر الحرف

يمكن جرحى ... يلم ... يخف

مش عارف

ساكنه تحت الجلد

ونادى جواكى الصمت

ونادى جواكى البعد

مش عارف

صدقتى ؟ انى مش عارف

صدقتى ؟ ان جوايا خايف

نفسى احبك .. وانا مش خايف

لكن مش عارف

مش عارف .

الأربعاء، أكتوبر 28، 2009

كرسى ( تسعه ) ( 9 )


القطر بيهدر طالع


من جوه محطات البنت


بيدوس على تفاصيل البيت


ريحة النوم فى الملايات ..... وعطن العيش


وبيزعق ( توت ) ...... تووووووووو ت )


بيهز الزحمه ... ملاكوت الانفاس


بيشق جلاليب الناس / الصوت


وأخوها واقف يضرب اخماس


بينه وبينها قزاز


بينادى عليها من جوه قراره


( كرسى تسعه ....... ياااااااااااا بت )


مجنونه كفوفه بيشاور


ويمد صباعه عايز يخرم شباك القطر


( بوصيلى ......... بوصيلى ....... )


والقطر بيسحب روحه


على حيرة البنت فى وشوش الناس القاعده


وأخوها يرسم تسعه على الشباك


ويشد جلاليبة م الزنقه


متحاصر عار البنت جوه عنية الديقه


ويكتب فى الهوا تسعه


ويفوق على لسعه


( توت ........ توووووووووووو ت )


القطر بيسحب


والبنت تدور على كرسى ( تسعه ) ..






الخميس، يوليو 02، 2009

انتى براح الكون



بفتح درعاتى واستنى تدخل شمس

تلمس جوايا الحض الباكى برد

بحس انك جايه من باب البيت

من غير خبط

تخشى ..... براح الكون من غير الوان

من غير عنوان من غير ترتيب

اكتبك فرحتى

وارسمك على الاتى بسمتى

يتغير جوايا الجرح

وانتى براح الكونل

شاعر مجنون بصراحة روحك

مجنون بعيونك فدادين قمح

فدادين شمس

وبهمس انطق اول حروف اسمك

اول تكوين من غير جرح

نتكون تكوين المساكين

شيلين هموم الكون الفاضى

كون مربوط

بنونين

نونى ونونك

نونى اكون انسان من غير حسابات

نونك نوارج بتدرس فى خيوط العتمه

منزوع الرحمه الكون

ونتدارى احنا فى تفاصيل النون

مساكين

جايه الاحلام جوه عنيكى

صرخه

تفاصيل بتنور فرحه

خايف انامنى

انامتحير وكلامى متحاش

تغرق جوايا الكلمه

متحدد فى مربع وهمى

_ شيلى همى

_ تعال يمى

_ لمى الوجع جوايا

_ حط همك على همى

يااااااااااااااااااااااا

ياااااااا كل الصوت الراجع صدى

امتى ابتدا

امتى ابتدا ؟

منهوكه جوايا الاسئله

ومحرومه جوايا الاجوبه

امتى ابتداامتى ابتدا ؟

وانا معرفش غير الصمت

وعلامات الاستفهام

فى الاسئله ؟

السبت، أبريل 11، 2009

تاج من انجى ( المهم هات من الاخر . )

التاج ده الدكتورة انجى اديتنى فيه مساحه انى اجاوب عليه بحكم انى من المهتمين بمتابعة مدونتها الرائعه ...
اسمك :
ممكن من غير اسم ؟ الاسم / مسافه على
المشهور بيه وسط اصحابك؟
الفنان واسامى كتير بتعدى عليه بس مش بتلزق زى ... فلفل . منقاريوس . زوسر . غيبوبه . كتير والله مش فاكرهم
- مجال دراستك؟
انا وصلت لحاااااااااااااد ثانوى عام واخدتها ووقفت ... ممكن اكون خرجت برا منظومة التعليم ... بس بحاول اتعلم
- اسم مدونتك؟
تكوين
صورتك الرمزية بتعبر عن ايه ؟
اللوحه دى لوحتى انا اللى راسمها ... بتعبر عن حالة انتظار لنور مش هايجى ( كئيب مش كده ) ؟
هل فكرت فى اغلاق مدونتك ؟ والسبب ؟
لالالالا خالص ... لانى برتاح هنا .
ايه رد فعلك لو حد قل ادبة فى التعليق .؟
ببتسم ... ومقدرش ارد غير بصمت .
اسواء مدونه ؟
بتاعتى .
هايحصل ايه للميل بعد ما تموت ؟
مش عارف ...
اديت الباسورد لحد قبل كده ؟
فى ناس ضغطت عليه .. بس ماحصلش
السفر بالنسبة لك ايه ؟
اجمل ايام حياتى قضيتها فى السفر .... بقى دلوقتى حلم
المود بتاعك ايه ؟
كئيب ومحبط .
بتعمل ايه فى وقت فراغك ؟
القراءة فى المسرح بالتحديد بكل مجلاته ... الرسم ... الكتابه ... هوس افلام اجنبى ... بقضيها احيانا كئيب
الصفات التى اخذتها من والدك ؟
التسرع .. الله يرحمه
الصفات التى اخذتها من والدتك ؟
الطيبة , والنظافه . الله يرحمها .
اكتر حاجات بتكرهم ؟
الاستغلال . المكر . الكذب . والمواعيد المفتوحه . والانتظار . والاحساس بالذنب . والانا . وبكام . والاستهتار فى الشغل . الاقلال من القدر . الغباء .
اكتر حاجات بتحبهم ؟
بناتى .... وفنى . وحاجات راحت ومرجعتش .. وحجات بحلم بيها ...
شخصيتك نوعها ايه ؟
بيقولوا عليه ... عيل طيب ( اهبل ) ... ومحترم زياده عن اللزوم ..
لماذا دخلت عالم التدوين ؟
الفضول من ناحية .. وبصراحه بقى ادمان ... انا بحب التدوين اوى ... وكان نفسى اتعرف على ناس جديده تحترم دماغى .
اجمل كلمة قيلت فى وصف مدونتك ؟
استمر ...
احلى بوست كتابته ؟
عمرى ما كتبت حاجه وكنت حاسس انها حلوه
افضل مدونه قريتها ؟
لحد دلوقتى ( المهم هات من الاخر )
افضل بوست قريته ؟
كتير جدا مش فاكر
الشغل بالنسبالك ايه ؟
اى شغل فيهم ؟ انا بشتغل حاجات كتير ... بس اللى بيجيب المم ( الاكل يعنى ) كرهنى فى حياتى وكرهنى فى الناس . مجبر اخاك لابطل
الانترنت بالنسبالك ايه ؟
خرووووووووووووج
تمرر التاج لمين ؟
كل الناس اللى مهتمه بيه واللى مش مهتمه بيه ودول اكتر









السبت، فبراير 28، 2009

اواخر الذكريات


اخر حلم


تقف عريان فى الشارع

وتنادى على كل اصحابك

يلموا شجاعتك من تحتك

ويعبوها فى عيونهم

تصرخ على اخر مدى عندك

وتقول : انا عايش

لانك

عمرك ما هتقلع عريان

وهاتعيش العمر جبان

..........................

اخر صوت


غموا عنية

مابقتش غير الريح

وزرار التليفون الارضى

بيتكتك جوه ودانك خايف

عارف ... عمرك ما هتكون انسان

عارف .... انت جبان

زى رعشة الريح جوه ودانك

والتليفون اللى قال انك مدان

..................................

اخر ريحه


نشفت كل عرقى

و البنت فردت المنديل

نام جواك الحلم

واتغطيت بالتفاصيل

من لمسة ايدها

لحااااااااااااااااد

لمسة ايدها

حضنت كفى

ولفتنى لفتنى

علشان تاخد عرض كتافى

اخر ريحة شمتها

الورده الدبلانه لما وقعت

من جوه كتابى

...........................

اخر سفر


من شباك القطر

رميت الدبله

وحطيت الصوره ع الرف

وكتبت

كل اغانى الفرقة واتشحتفت

كأن عمرى ما هاوصل

وكأن الطريق مش بيوصل

وجانى صوت الكمسارى

تذكرة الاخ ؟

فنزلت .

.................................










السبت، يناير 24، 2009

اخر كلام عنك


عنيك بتكرمش النور الوالع ع السلم

بتتحداك تطلع تفاصيل الخطوه على اخر

عتبه فى عمرك

وعنيه المفتوحه ف صدرك

بترميك لتفاصيل الواد الهارب

من همك

على همك قال همك ناقص

ولا يهمك

انا واقف مستنى

انا مش مستنى غير انك ترتاح

فى براح معكوس فى مراية

جوايا سلايه

جوايا فراقك غلايه

سامح صوتى العالى

خوفى منك

مع انك مش سايب غير الذكرى

مش سايب غير الفكره اللى تخوف

مرجوفه الفكره

محتاره كل الحاجات اللى فى بكره

اول مره اكره بكره يا بويا

اول مره احس بصوتك م الشباك متحاش

اول مره احس ضلوعى محتجاك

تسرق منها الفكره

تسرق منها انك مجرد ذكرى

صوتك الوتد اللى ربطت فيه فزعة نومى

ورغيف العيش الحاف

شوية دقه تشفى همومك وهمومى

محتاجك

محتاجك محتاجك

رغم سكاتك عنى محتاجك

تعدى فى الشارع

خاصمنى

وكشر وشك فيه

انفينى حتى من براح جواك

واياك تثبت فكرة بكره

انك مش راجع

انك مش ناوى

تعجن بصوابعك قزاز البيت

وتنادى ( يا واد )

وترد بناتى

على جدو الطالع من غشاوة روحهم

بترد بناتى

على ادين جدو الخشنه

اياك انك تقول مش جاى وتثبت نفس الفكره

انك مش راجع

ومش هتراجع معايا تفاصيل قلة حيلى

تعالى وانا اشيل من بكرة ( القروانه )

تعالى بس وانفى الفكره

من راس الناس اللى سألتنى عنك

وقولهم ( هاصلى المغرب وارجع )

من نفس الشارع

واعد كل الحصى

واحسب كل الخطى

قول انك راجع من نفس الشارع

ارجوك انفى الفكره

من راس اخواتى

وقول انك مش هاتقسم ارضك جسمك

قول ان عروقك موصوله بكل هدومك

ومش هاتسلخ جلدك

او انك ممكن تتنازل عن

الطاقة فى بيت امك

انفى الفكره يا بويا انفى الفكره

علشان بكره سافر معاك ومش راجع

ماليان مواجع ومليان اسرار

كانت تدارى

جوه عنين العيال العاصيه

جوه قلوب الولاد القاسيه

لما تسمع صوتك

انفى فكرة انك ملفوف فى بياض

ورجع البس جلابيتك الصوف

اطرد كل الخوف من بيتنا الضلمه

واشرب شايك مع ريحة امى

وحيد زى ماكنت

شارده عنيك على اخر صوره ليك

انفى الفكره من جوايا

ومن جواك

علشان اقدر ارسم صوره لبكره

انت فيها ابويا

مش انت مجرد ذكرى

انفى الفكره

علشان ارتاح فى براح مات

من ساعة م قفلت شباك شوفك على عينى

دفينى علشان مقطعش النفس

دفينى علشان ارتاح

ارتاح فى براحك اللى انت مصر

على انه مات

مات

مات




















السبت، يناير 10، 2009

ابويا ماااااااااااااااااااااااااااااات


مات زى ما يموت الصوت جوه المدى

سحبت السرنجه روحه

من عرقة الاسمر

سحبت السرنجه كل التفاصيل

كل الحاجات اللى اتحكت واللى اتعادت

ماتت فلحظة مكنتش اعرفها

مكنتش اتوقعها

بأختصار ........... ابويا ماااااااااااااااااااات

مات من سكات


السبت، يناير 03، 2009

حروف


غين

غاير من وش الدنيا

مودع اخر صوت بيهز كيانى

ارتحت

ارتحت من كل التفاصيل الهبله

فى وشوش ما بتعرفش غير الحقد

علشان بعشق تراب الار ض

زين

زين وشى بعلمك الالوان

غطينى بأحمر

واملى قلبى الابيض بالاخضر

خلينى انام فى سوادى مرتاح

هه

هاين

كل الدم

لا عزه

ولا غزه

ولا هم

الاسم كرامه

الاسم تاريخ

الاسم

اه

انا نسيت .................

احنا امه

مالهاش اسم