الجمعة، نوفمبر 28، 2008

تفاصيل عن قتلى




صوب الى المسدس

فقتلنى ... خلسه

وفى التحقيق

كنت انا المتهم

رغم كونى ... جثه

......................

نصبوا اهلى العذاء

جاء رئيس الشرطه

والوجهاء

شربوا دمى قهوه

قرأوا الفاتحة ورحلوا

اتجوز الفاتحه على الدهماء ؟

................................

فى غرفة المسافرين

زوجتى علقت صورتى

وبكت .....

وفى غرفه النوم.....

اشتمت قميصى ... فبصقت

عرفت ..... انى كنت زئر نساء

....................................

علقت الجريده الصباحيه

ان الطبيب الشرعى اثبت

ان القهوه المحروقه فى عروقى

كانت من فعل انثى تسكن فى دمى

....................................

كل الاصدقاء مشوا معى

الى قبرى

كل الاصدقاء

الا ...... قصائدى خافت ان تكون ذنبى

..................................





















الأحد، نوفمبر 23، 2008

عيون الشيش




على وش القهوه

فى فنجان الصبح

تفتح شراعة الشيش المتكسر

بتبص

على الراجل الطالع من الحلم

بيبوس اول طعم من مرارة يومه

بيدور عن نفسه

على مصطبة البيت

ينفخ اول دخان

ويعجن وجعه بين شفايف

بتدوق مرارة الحلم

ورا الشيش

المترشق بعيون الفضول

بطل الست

اللى ساكنه فى اخر الشارع

وحلم القهوه

بينام جوه ضلوعها سكات

وفضول

وسعات تتنفس نفس الاه

المكتومه جوه الصدر

مسكين الحلم الطالع من جوه عنين الشيش

وبعيد الحلم الواقف على شفايف الدخان

ياترى

امتى يلمس دخان الراجل

عيون الست ؟






























السبت، نوفمبر 22، 2008

الأحد، نوفمبر 16، 2008

على اخر السطر

بنت واقفه على السطر
كأنها اخر حرف فى قصه
وبترسم روحها
مره سين
ومره جيم
ومره استفهام ......؟
وانا ببدأ من اخر انفاسى الحبر
واكتب تفاصيل
من وش البنت الطالع على نخل الروح
لحد جسم البنت النازل يتحمى فى بحورالبوح
اكتبها سعات بتلون شفايفها بأسمى
وبترسمنى وارسمها على قد اللون الخارج من ريشتى
فى الكون الواسع جوه ضلوعها
بلون الفرح
وبلون الجرح
وبلون القمر المكسوف من لونه
واسميها اسامى كتير
لكن
بضيع منى اللوحه
ويضيع من اللون
علشان متحاصر الجوه اللحظه اللى بتكوى الجرح
وترجع صوتى لجوه
وارمى الريشه
واكره حتى اللحظه
اللى بكون فيها فنان .