عريان واقف لوحدى بتفرج
على صورتى
دى صورتى ؟
بشوفك مليون مره فى المرايه
مش بعرفك
كل مره بشكل
كل مره بلون
دى صورتى ؟
..............................................................
حط ايدى فين ؟
عايز دم
طب حط الابره
وخليها تشد نفس عميق من عروقى
حطيت ؟
ايه ؟
متقولش مالقيتش دم
اه اه
صحيح افتكرت
اصلى انا موت
.............................................................................................
صورتك . ورقم تليفونك . وعنوانك .ا صلك وفصلك
لون عنيك
لون جلدك
تفاصيل شعر جسمك
تجاعيدك
منحنياتك تداويرك
مين اللى زارك فى احلامك
ومين اللى نام على كتفك
مين ساب ريحة عرقه جوه قميصك
مين ؟
مين ؟
مين اللى نامت جوه ضلوعك اخر مره
الصراحه
مش فاكر
الحاجه الوحيده اللى انا فاكرها
انى مولود من غير وطن
..................................................................................
افتكرت صوتها
وعيونها
فاتصلت
كانت مش هى
يا اما باعت التليفون
يا اما انا من عيونها
ضعت
..............................................................................................
مش عارف غير انى اكل فى نفسى
هناك 3 تعليقات:
اندهاش برضه
لأني كنت فاكرة " مسافة " بنت
الاسم حلو جدا على أي حال
عاجبني كمية السخط والضيق الساخر اللي بتحطها في الكلام
و عاجبني التفاصيل اللي بترسم بيها ارتباطات عالية مع الحالة
انا مش هاسميكى غير المايستروا علشان كده انا بشكر عصا لمايستروا ولمايستروا اللى لمسوا مدونتى باحلى عزف
بشكرك
أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
ارجو النشر -تحياتي للجميع
إرسال تعليق