دلوقتى
وعلشان شخت
والوقت مش وقتى
البنت
ترتب وشها جوه عنيا المرايات
وتلمس تجاعيد وشى حكايات
وتدينى عناقيد عنب
من تكعيبة روحها البكر
دلوقتى
وبعد ما شخت
والوقت مش وقتى
بتطير جوه عروقى فراشه
بتشد خيط النور الباقى فى روحى
تستنى بوحى تخبى عنيها جوه كتفى
دلوقتى
والوقت مش وقتى
وبعد ما شخت
البنت بتكتب اسمها
على حطان مدينتى
ترسم قلبها
وتفك ضفيرة عمرها
تحت شلال الحلم
وعلى رمل شوارعى تمدد
وتحدد صورتى
دلوقتى
دلوقتى جات البنت
والوقت مش وقتى
وبعد ما شخت .
هناك 23 تعليقًا:
حلوة اوى
بس مش عارفه ليه قادرة احس ان الوقت دايما وقتك طول ما انت على قيد الحياة
و الوقت اللى يكون مش وقتك فعلا هو اللى تكون فيه تحت التراب
موجه
انا بشكرك على مرورك
انا مش عارف اعلق عنك مش عارف ليه انتى عامله حظر ولا ايه ؟
على فكره
القصه روعه اللى انتى كتباها بعنوان تداخل
فعلا فعلا عجبانى سكتها
انا بحسدك لانك بتقرى تمسكى الخيوط الرفيعه جدا دى بأيدك
الصراحه روعه
مفيش حد بيعجز من تجاعيد وشه
لا مش كدا خالص!!
بس بجد اكتر من روعه
دمت مبدع
وكووووووووووول سنه وانت طيب
عيد سعيد عليك يارب
♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥
بشكرك على الزياره الرائعه دى
انتى اللى كل سنه وانتى بخير
مدونتك حلوه اوى
انا علقت هناك
ترتب وشها جوه عنيا المرايات
وتلمس تجاعيد وشى حكايات
وتدينى عناقيد عنب
من تكعيبة روحها البكر
دلوقتى
فيه حاجات بين السطور انا حساها
والكلام جميل جدااااااا والمعانى احلى واحلى
نسيت اقولك كل سنة وانتا طيب انتا من اكتر الناس اللى بيتبعونى
ألمهم ان البنت جت مش مهم امتى
وقتنا احنا اللى بنحدده مش اى حد غيرنا
كلمات جميله
تحياتى
فعلا المهم انا البنت جت العمر احنا اللى نحدده
وفعلا فى كلام بين السطور جميل جدا
انا بشكرك
وكل سنه وانت طيب
اشكرك جدا
انا قمت بتعديل نظام التعليق
لو فيه مشاكل بلغنى
جميل جدا تسلم الايادى
كل سنهوانت طيب
المشمشيه
انتى عسول اوى
علشان كده انا دايما وراكى وبشوفك بتكتبى ايه ... تعرفى ؟ بحس انى انتى بتعملى حاجه انا مش قادر اعملها
كل سنه وانتى طيبه
رحيل و رونا
انا سعيد بزيارتكم اول
وثانيا شكلى هاعيش العمر كله منتظر البنت
وكل سنه وانتو طيبين
صوت
بشكرك على الزياره يا جميل
كل سنه وانت طيب
فى مقوله جميله بتقول
ان تأتى متأخرا افضل من الا تأتى مطلقا
كل سنه وانت طيب
وعيدك سعيد
بسنت
انتى منورانى
يمكن التأخير يبل الريق
عندك حق
وكل سنه وانتى طيبه
كل سنة وانت طيب
الوقت وقتك طول ما لسه الحلم جواك
السلام عليكم البوست كتير حلو سعات الانسان بيفكر فى حاجه وعوزها فى وقت واحد بس للاسف الوقت ده ممكن يكون لصالح الواحد وسعات لا بس احنا لسه على الحياه ومش هنقول للوقت لا لوجه .
البوست حلو قوى وكل سنه وانت طيب
.
الشعور بالعثور على الحلم الجميل لكن بعد فوات الاوان
وضياع الوقت او العمر
شعور قاتل وانت عبرت عنه بطريقه واضحه وجميله لكن مؤلمه
تحياتى لموهبتك
.
كل سنه وانتو طيبين وبالفرحه منورين
وعلى البلوج اسبوت دايما موجودين
.
البنت بتكتب اسمها
على حطان مدينتى
ترسم قلبها
وتفك ضفيرة عمرها
تحت شلال الحلم
وعلى رمل شوارعى تمدد
وتحدد صورتى
برده حلوة اوى
انا بس عايزة اعرف ليه تحديثك للتدوينة ما بيظهرش عندى
...................
قلوب
منورانى فى مكانى بشكرك على الزياره
بتمنى كده
حياه
يشكرك على الثناء
صفاء
بشكرك جدا على متابعتى
وكل سنه وانتى طيبه
سندريلا
انا مش عارف ايه موضوع التحيث ده انا بخل وأون وخلاص ومش عارف ايه قصة التحديث دى
على فكره
انا بعتزر لو كنت انا من الناس اللى نوهتى عنهم فى البوست الاخير
شكرا على تشريفك مدونتى وده شرف
اول زياره لمدونتك
بس ان شاء الله الاقي وقت و اقراها كلها لانها شدتني
البوست جميل
و احساس ان الحاجه لما تيجي متاخر فعلا زي ما حضلاتك وصفته
فعلا احل شيء في الدنيا انك تلاقي الحاجه في ميعادها
بس هي الدنيا كده تديك بس مش وقت ما تبقي عايز
بس لازم تحاول تفرح حتي مع احساسك ده
تحياتي
على فكره انت مش من الناس دى خالص
وبلاش تفهمنى غلط
علشان ماتتكررش مأساة البوست اللى فات
علشان خاطر
....................
سندريلا
nor
نورتينى بالزياره وده شرف ليه طبعا
على فكره انتىعندك كمان مدونه رائعه
شرفتينى
sendrlla
لالالا خالص والله انا مجرد انى شكيت بس فى نفسى اصلى سعات ممكن اكتب التعليق ومش اخد بالى من اللى كتبته
بشكرك واتمنى اتواصل يدوم
إرسال تعليق