بيشف الفستان
وبيشرب من ريحة جلدك
من اخر الشارع اشمك .... بتعدى
اعد ..... الخطوه لعندى
واقف على ناصية روحى
عريان .... من كل النور .... عريان
ماسك كل جروحى فكفى
ضاغط على اوتار حزنى
وباغنى .....
اغنى رغم الرعشه
.................. فى بدنى
وكأنى بصلى
فاتح درعاتى لريحة جلدك
وانتى ..... بتعدى
بتعدى على خط الضلمه فعنيا
تفرشلك روحى نورها البكر
بشووووووووف
والله بشوووووووف
من غير ..... ننى
وكأن الحضن المفتوح جوايا
بيفضح كل قوانين النور / الوهم
بشوووووف ..... مش حلم
والشوف متفصل على قدك
وقدك بيشف
وبيرش ......
الريحه البمبى
هناك 16 تعليقًا:
السلام عليكم ورحمة
الله تعالى وبركاته
وصباح الفل كمان
حلو وجديد على الكلام ده!
(من اخر الشارع اشمك .... بتعدى
اعد ..... الخطوه لعندى
واقف على ناصية روحى)
حلوووووووووووووووووة
اووووووووووووووووووى
شكرا عى الزياره يا دكتره
احاسيس بكر
،
،
لم يلمسها اصطناع
كلمات تتخلل النفس
،
،
احترامى
واقف على ناصية روحى
عريان .... من كل النور .... عريان
بتعدى على خط الضلمه فعنيا
تفرشلك روحى نورها البكر
وبيرش الريحه البمبى
..........
إحساسك في الكتابة عالي جداً
أنا تقريباً قريت المدونة كلها
فيها صدق وبساطة
الموضوعات اللي بتحكي فيها عن البنات اللي قابلتهم موضوعات جميلة جداً
وقرايتهم فرقت معايا
يعني خلتني أشوف من زاوية مكنتش بشوف منها أبداً
أنا عادةً بتعاطف مع البنات جوه أي حدوتة بس دي أول مرة أقدر أشوف الطرف التاني بوضوح
بجد استمتعت جداً
........
عن الرسومات يا فنان
دخلت فليكر واتفرجت على أغلب الشغل
انتَ أكيد عملت معارض قبل كده
لأنه شغل متميز فيه خبرة وحرفة فنية عالية
...
اسلوبك منفرد وبسيط
طريقة رسمك وتصويرك للكلمات رائعة
تحياتى
جميلة جدا و اختيارك للكلمات دقيق
"ماسك كل جروحى فكفى
ضاغط على اوتار حزنى"
حقيقي أسلوب متميز
و ميرسى كتير على الزيارة و على تعليقك :)
.
حد معدى كان قال عليه اعمى ومبصبصاتى
بس كلامه جميل واحساسه رقيييق
واحسن من المفتاحين والله
لا بجد أسلوبك العامى شديد الرقى
عريان .... من كل النور .... عريان
دى من اقوى الجمل اللى عجبتنى
تحياتى يا شاعر
.
pink
شكرا على الزياره
صفاء
انا ببقى سعيد اوى بتعليقاتك
كلمات جميله والبوست كمان جميل ومنتظرين المزيد
مش لاقيه كلام يوصف احساسى
يسلم احساسك
روائح بالالوان
حلو التصوير
تحياتي
والله العظيم انت اللي فنان
وفنان عظيم كمان
انا خدت لفه صغيره في مدونتك كده
وبجد انت هايل ورسوماتك هايله( رغم اني مش بفهم في الرسم )واشعارك جميله جدا جدا جدا جدا
تحياتي ليك جدا يا مسافه
شكرا يا زيكا على الزياره
اتمنى التواصل
حلوة فعلا...بجد حلوة جدا جدا
واقف على ناصية روحى
عريان .... من كل النور .... عريان
ماسك كل جروحى فكفى
ضاغط على اوتار حزنى
وباغنى .....
اغنى رغم الرعشه
.................. فى بدنى
والله جميله جدا
الخاطرة حلوة موت
ولأني ليا كتابات على قدي يعني .. فالخاطرة ظاهرة نور وباطنها نار.. وطبع المعنى في بطن الشاعر..والحمد لله.. ان المعنى مستخبي هناك :)
بس بجد وصفت الحالة بدقة وجمال وبالتفصيل.. المهذب جدا
عمل موفق جدا..
تقبل مروري
تحياتي
إرسال تعليق