بنت واقفه على السطر
كأنها اخر حرف فى قصه
وبترسم روحها
مره سين
ومره جيم
ومره استفهام ......؟
وانا ببدأ من اخر انفاسى الحبر
واكتب تفاصيل
من وش البنت الطالع على نخل الروح
لحد جسم البنت النازل يتحمى فى بحورالبوح
اكتبها سعات بتلون شفايفها بأسمى
وبترسمنى وارسمها على قد اللون الخارج من ريشتى
فى الكون الواسع جوه ضلوعها
بلون الفرح
وبلون الجرح
وبلون القمر المكسوف من لونه
واسميها اسامى كتير
لكن
بضيع منى اللوحه
ويضيع من اللون
علشان متحاصر الجوه اللحظه اللى بتكوى الجرح
وترجع صوتى لجوه
وارمى الريشه
واكره حتى اللحظه
اللى بكون فيها فنان .
هناك 3 تعليقات:
بلون القمر المكسوف من لونه
وانا مكسوفه من جمال القصيده
دمت بكل ود وحب
شرف عظيم ان حضرتك تزورى مدومنتى متعرفيش مدى سعادتى قد ايه وكمان تعليقك وسام
احساس غريب مسنى اوى بس جميل و صادق
إرسال تعليق