بفتح درعاتى واستنى تدخل شمس
تلمس جوايا الحض الباكى برد
بحس انك جايه من باب البيت
من غير خبط
تخشى ..... براح الكون من غير الوان
من غير عنوان من غير ترتيب
اكتبك فرحتى
وارسمك على الاتى بسمتى
يتغير جوايا الجرح
وانتى براح الكونل
شاعر مجنون بصراحة روحك
مجنون بعيونك فدادين قمح
فدادين شمس
وبهمس انطق اول حروف اسمك
اول تكوين من غير جرح
نتكون تكوين المساكين
شيلين هموم الكون الفاضى
كون مربوط
بنونين
نونى ونونك
نونى اكون انسان من غير حسابات
نونك نوارج بتدرس فى خيوط العتمه
منزوع الرحمه الكون
ونتدارى احنا فى تفاصيل النون
مساكين
جايه الاحلام جوه عنيكى
صرخه
تفاصيل بتنور فرحه
خايف انامنى
انامتحير وكلامى متحاش
تغرق جوايا الكلمه
متحدد فى مربع وهمى
_ شيلى همى
_ تعال يمى
_ لمى الوجع جوايا
_ حط همك على همى
يااااااااااااااااااااااا
ياااااااا كل الصوت الراجع صدى
امتى ابتدا
امتى ابتدا ؟
منهوكه جوايا الاسئله
ومحرومه جوايا الاجوبه
امتى ابتداامتى ابتدا ؟
وانا معرفش غير الصمت
وعلامات الاستفهام
فى الاسئله ؟
هناك 10 تعليقات:
السلام عليكم و رحمة الله و بركاته
ياااااااااااااااا
قصيدة عميقة جدا بجد
حاسة انها مكتوبة باحساس مش بكلمات
بس ان شاء الله مش هيكون صدى
و هتلاقى الجواب اللى بتتمناه
و تكون الكون و البراح اللى بتتمناه
دمت بود
جميله جدا الكلمات
والاحساس هو الاصدق
ازيك
انت من زمان مازرتش المدونه عندي
الكلام اللي انت كاتبه في البوست جميل جدا
ماشاء الله
واهم حاجه اسمي مكتوب :)
السلام عليكم ورحمة الله وبركاته
مش عارفة هى عميقة جدا وعجبتنى بس ساعات كنت بحس انى تايهة وانا بقراها بس عجبتنى جدا وخصوصا
انامتحير وكلامى متحاش
تغرق جوايا الكلمه
متحدد فى مربع وهمى
_ شيلى همى
_ تعال يمى
_ لمى الوجع جوايا
_ حط همك على همى
تسلم ايديك ومرسيى لزيارتك المدونة عندى
تعبيرات هايله والله
مع اني مابحبش النوع ده من الشعر بس قريتها كلها شدتني
تحياتي يا ريس
تعبيرات هايله والله
مع اني مابحبش النوع ده من الشعر بس قريتها كلها شدتني
تحياتي يا ريس.
تخيل
أني أنا كمان معرفش غير الصمت
السلام عليكم ورحمه الله وبركاته
جميله قوى القصيده كلمتها جميله قوى
منتظرين المزيد
تحياتى
طيب بعد الابداع ده كله ليه حارمنا من البوستات الجديده؟؟
نفسي ترجع تدون تاني
إرسال تعليق