اخر حلم
تقف عريان فى الشارع
وتنادى على كل اصحابك
يلموا شجاعتك من تحتك
ويعبوها فى عيونهم
تصرخ على اخر مدى عندك
وتقول : انا عايش
لانك
عمرك ما هتقلع عريان
وهاتعيش العمر جبان
..........................
اخر صوت
غموا عنية
مابقتش غير الريح
وزرار التليفون الارضى
بيتكتك جوه ودانك خايف
عارف ... عمرك ما هتكون انسان
عارف .... انت جبان
زى رعشة الريح جوه ودانك
والتليفون اللى قال انك مدان
..................................
اخر ريحه
نشفت كل عرقى
و البنت فردت المنديل
نام جواك الحلم
واتغطيت بالتفاصيل
من لمسة ايدها
لحااااااااااااااااد
لمسة ايدها
حضنت كفى
ولفتنى لفتنى
علشان تاخد عرض كتافى
اخر ريحة شمتها
الورده الدبلانه لما وقعت
من جوه كتابى
...........................
اخر سفر
من شباك القطر
رميت الدبله
وحطيت الصوره ع الرف
وكتبت
كل اغانى الفرقة واتشحتفت
كأن عمرى ما هاوصل
وكأن الطريق مش بيوصل
وجانى صوت الكمسارى
تذكرة الاخ ؟
فنزلت .
.................................
هناك 19 تعليقًا:
الكلام من كتر ما هو يتحس بيوجع اوى الصراحة..........حسيت انى جبانة وانا بقرا الكلام دة وكل حياتى تفاصيل مؤجلة.....مش اى حد يعرف يطلع الاحساس والاعتراف دة من اللى بيقرا النص....جامد جدا
حسيت اخر مقطع على انه انهزام قدام الحياة زى ما يكون نزل من قطر الحياة خلاص واتكتبت كلمة جيم اوفر..
بجد الله ينور
انا قريت تعليقك عندى بس للاسف انا معرفش اعمل اللى انت قلت عليه دة لانى اصلا معنديش معلومات عن الموضوع دة غير انى معرفش اعمله يعنى حتى مش عارفة اتناقش فى الامكانية...اسفة.
ايه ده
ايه الجمال ده
ماشاء الله
انا كنت متوقعة يبقي فى 300 تعليق ولا حاجة
---
اخر ريحة شمتها
الورده الدبلانه لما وقعت
من جوه كتابى
---
من شباك القطر
رميت الدبله
وحطيت الصوره ع الرف
وكتبت
كل اغانى الفرقة واتشحتفت
كأن عمرى ما هاوصل
وكأن الطريق مش بيوصل
وجانى صوت الكمسارى
تذكرة الاخ ؟
فنزلت .
---
بجد ماشاء الله
كلمات جميلة اوى :)
اخر سفر
من شباك القطر
رميت الدبله
وحطيت الصوره ع الرف
وكتبت
كل اغانى الفرقة واتشحتفت
كأن عمرى ما هاوصل
وكأن الطريق مش بيوصل
وجانى صوت الكمسارى
تذكرة الاخ ؟
فنزلت .
** ** **
عجبني اوي اخر جزء ده فظييييييييييع
انت فين من زمان.. ومابتجيش عندي ليه؟؟
بصراحه
بقالي كتير
ماشفتش حد بيكتب بالروعه دي
تقبل صداقتي الدائمه أن شاء الله
تحياتي
حقودى
على الرحب والسعه ( زى الافلام الانجبيبيه )
كفاية طيبه
معرفش عايز اخش المدونة بتاعتك فيها مشاكل بيطلعنى بره المدونات خالص
فتافيت
انا روحت والله
جميل تفصيلك للموضوع
والذكريات
رائع يا صديقي
حمد الله عالسلامه
تحياتي
ايييييييييييييييوة انا كدة فهمت حضرتك معلش الغباء عندى عالى شوية......انت لما شرحتلى على البوست والتفاصيل فهمت على طول وطبعا ممكن جدا احاول بمساعدتك ليه لا يعنى دة انا حتى كنت مكسوفة اقوللك نجرب بس تساعدنى......انا مستعدة جدا
Great one Great art
ههههههههه
عجبتنى اوى الجزء بتاع الكمسرى ده
حسيت انو انا
بجد طريقتك حلوة فى الكتابه
كمل على كدة
انا جيت اهو عشان مقدرش على زعلك
حمد الله عالسلاااامه..
اسلوبك تحفه
مش عارفه انت حتفهم قصدى والا لا بس انت بتكتب 3d
!!!!
كل سنه وانت طيب بمناسبة المولد النبوى الكريم
جميله جدا ابداعاتك
وتتسم موضوعاتك بالعمق الشديد الذى يفجر بداخلنا مواقف كثيره تشابهت معنا
دمت مبدعا
ريحه
نشفت كل عرقى
و البنت فردت المنديل
نام جواك الحلم
واتغطيت بالتفاصيل
من لمسة ايدها
لحااااااااااااااااد
لمسة ايدها
حضنت كفى
ولفتنى لفتنى
علشان تاخد عرض كتافى
اخر ريحة شمتها
الورده الدبلانه لما وقعت
من جوه كتابى
**************
شايفى وانا بصقفلك
لااااا طب امسح النضارة بقى!!!
أحييييييييييييييييييييييييييك
عووووووووو
ايه الحلاوه دي
فين تذكرتك يا اخ
كلامك جميل اوي
تقبل مروري
بصراحه سعيد الصدفة اللي عرفتني على مدونتك
في عمق ورا كل حرف مكتوب وعلى قدر اختزال الكلام الاف المعاني تظهر وتبان
معرفش ببالغ ولا لأ انما حسيت بقدر من الفلسفة في اللي قريته
تحياتي
وليد
بلوق الخاص بك بشكل جيد جيد جيد......
وتنادى على كل اصحابك
يلموا شجاعتك من تحتك
ويعبوها فى عيونهم
ليه ؟؟؟؟
وزرار التليفون الارضى
بيتكتك جوه ودانك خايف
؟؟؟؟؟؟؟؟؟؟؟
اخر ريحة شمتها
الورده الدبلانه لما وقعت
من جوه كتابى
؟؟؟؟؟؟؟؟؟؟؟
من شباك القطر
رميت الدبله
وحطيت الصوره ع الرف
.؟؟؟؟؟؟؟؟؟؟؟
فنزلت .
البوست صعب جدا
جدا بجد
يااااااااااارب تكون فعلا اواخر الذكريات
و بلاش نعيش فى لحظات حزننا
و نبص لبكرة
يمكن نقدر نعمل حاجة
خالص التحية
تعبيراتك وكلماتك غامضة ويمكن ده سر جمالها مرسيى للمرورك على المدونة ويسعدنى طبعا نكون اصدقاء
تصرخ على اخر مدى عندك
وتقول : انا عايش
لانك
عمرك ما هتقلع عريان
وهاتعيش العمر جبان
الله
بجد كلمات حلوه اوي
عارف
ساعات حاجه تعجبك اوي ومن كتر ماهي عجباك بتبقي واقف قدامها عاجز عن انك تقول فيها اي تعليق
بجد هاييل
كلام فى الجون سهل ممتنتع بيفكرنى بجاهين و الابنودى
انا لسة ماقرتش كله بس العينة بينة
إرسال تعليق