متعة التسوق ( مع حسين فهمى ) ا

امبارح خير اللهم جعله خير حطيت الاريل العادى بتاع التليفزيون لان وصله الدش مش شغاله

... الاريل العادى مش جايب غير القناه الاولى .. كان وحشنى صوت منير

مع بكار وصوت حنان ترك .

. المهم ما طولش عليك قول طول ..

. اتفرجنا انا والعيال على بكار واستمتعنا بيه

المهم فو جئت ان فى برنامج اسمه انا والناس بيقدمه الاستاذ حسين فهمى الصراحه انا معجب بيه جدا يعنى بحب طريقته فى الكلام طبعا ده غير انه ممثل رائع بس انا والله اتعاملت معاه فى البرنامج على انه مزيع مش اكتر المهم الحلقه كانت عن هوس الشرا ء مش عارف اذا كان حد شاف الحلقه دى ولا لاء الصراحه انا اكتشفت بعد الستات اللى انا شوفتهم مع الاستاذ حسين فهمى انى انا مالليش اى لازمه فى الحياه وان الناس دول هما اللى لازم تكون الارض والكون كله مسخر ليهم الناس دول هما فعلا الناس الحقيقين واحنا الناس المزيفين احنا مالناش عيشه غى البلد دى انا حتى مش قادراتكلم عليهم المفروض من بكره الصبح كل واحد يلم هدومه ويشوف بلد تانيه غير دى علشان احنا مدايقين الناس دول فى عيشتهم وقارفينهم فى حياتهم والله الناس دول احسن ناس واحنا اللى ملاناش لازمه الست الاولى ... لا انا بتكلم على الست اللى فى البرنامج الست الاولى فى البرنامج عباره عن محل دهب متنقل بتتكلم بشكل نرضى على الدهب وفكرة اقتناءه ومبسوطه باللى هى بتعمله فعلا الست محل دهب متنقل وبتتكلم على الموضوع من ناحية الغيره من الستات التانيه وانها مثلا لو شافت حدجايب دهب من الستات الجيران مثلا يعنى تروح تشترى احسن منه فعلا محل دهب متنقل والست التانيه ياااااااااااالهوى على الست التانيه يعنى انا فعلا كنت ممكن افطر لمده شهرين تانى حلوه ايه وجمال ايه اللهم انى صايم يعنى عندها شرا الحاجات القديمه والتحف والحاجات دى . طبعا انا مش ضد الست الست دى بس انا ضدالمبالغ الماهوله اللى بتدفعها فى شرا الحاجات دى اللى محطوطه فى ركن البيت طبعا بطريقه جميله او هى شا يفه كده ... وواضح ان الفلوس كتير والخير ماشاء الله الصراحه الكارثه الانسانيه اللى انا شوقتها فى الست التالته .. دى بقى بتشترى هدوم ملابس بس ( اهم حاجه عندى لما اخش المحل الجنسات)...قصدها طبعا البنطولونات الجينز او الملابس الجينز ويا لهوى على ام الدلع المرق انا عارف والله العظيم دمغها باينه من الشاشه انها فاضييييييه مش لاقيه حاجه تعملها فى حياتها يعنى ايه ممكن تنزل المحل تخلص الفيزا كارت فى المحل وتبقى مش اشترت اللى هى عايزاه لا وكمان هى بتشترى الحاجات لمره واحده وسعات مش بتلبسها وسعات بتلبسها مره واحده بس هى متعرفش انى ما شتريت بانطلون جينز من حوالى سنتين ( انا برضوا بحب الجنسات زيها ) .. لكن تروح فين يا صعلوك وسط الملوك وعرض ستات تانيه طبعا لحد منا حاسيت بالقرف وقمت من قدام التلفزيون الصراحه انا حتى مش عارف اكمل البلوج ولا عارف اعبر عن اللى جوايا من كمية القرف اللى انا عشتها مع البرنامج ممكن اوافق ان الاستاذ حسين فهمى يخلينى اشوف الستات اللى شيقاينه زى ما حكولى انه عرض قبل كده الجزاره . وسواقة التيرالا ... بس النوعيه دى من الناس فانا بعتزر له بلاش بلاش علشان الواحد مش يكره حياته قد ما هو كارها وفى اخر البرنامج بيسالو واحده بيقولولها تسمى اللى انتى بتعمليه ده ايه قالت لا ... هو مش هوسولا جنان هو متعة التسوق