التاج ده الدكتورة انجى اديتنى فيه مساحه انى اجاوب عليه بحكم انى من المهتمين بمتابعة مدونتها الرائعه ...
اسمك :
ممكن من غير اسم ؟ الاسم / مسافه على
المشهور بيه وسط اصحابك؟
الفنان واسامى كتير بتعدى عليه بس مش بتلزق زى ... فلفل . منقاريوس . زوسر . غيبوبه . كتير والله مش فاكرهم
- مجال دراستك؟
انا وصلت لحاااااااااااااد ثانوى عام واخدتها ووقفت ... ممكن اكون خرجت برا منظومة التعليم ... بس بحاول اتعلم
- اسم مدونتك؟
تكوين
صورتك الرمزية بتعبر عن ايه ؟
اللوحه دى لوحتى انا اللى راسمها ... بتعبر عن حالة انتظار لنور مش هايجى ( كئيب مش كده ) ؟
هل فكرت فى اغلاق مدونتك ؟ والسبب ؟
لالالالا خالص ... لانى برتاح هنا .
ايه رد فعلك لو حد قل ادبة فى التعليق .؟
ببتسم ... ومقدرش ارد غير بصمت .
اسواء مدونه ؟
بتاعتى .
هايحصل ايه للميل بعد ما تموت ؟
مش عارف ...
اديت الباسورد لحد قبل كده ؟
فى ناس ضغطت عليه .. بس ماحصلش
السفر بالنسبة لك ايه ؟
اجمل ايام حياتى قضيتها فى السفر .... بقى دلوقتى حلم
المود بتاعك ايه ؟
كئيب ومحبط .
بتعمل ايه فى وقت فراغك ؟
القراءة فى المسرح بالتحديد بكل مجلاته ... الرسم ... الكتابه ... هوس افلام اجنبى ... بقضيها احيانا كئيب
الصفات التى اخذتها من والدك ؟
التسرع .. الله يرحمه
الصفات التى اخذتها من والدتك ؟
الطيبة , والنظافه . الله يرحمها .
اكتر حاجات بتكرهم ؟
الاستغلال . المكر . الكذب . والمواعيد المفتوحه . والانتظار . والاحساس بالذنب . والانا . وبكام . والاستهتار فى الشغل . الاقلال من القدر . الغباء .
اكتر حاجات بتحبهم ؟
بناتى .... وفنى . وحاجات راحت ومرجعتش .. وحجات بحلم بيها ...
شخصيتك نوعها ايه ؟
بيقولوا عليه ... عيل طيب ( اهبل ) ... ومحترم زياده عن اللزوم ..
لماذا دخلت عالم التدوين ؟
الفضول من ناحية .. وبصراحه بقى ادمان ... انا بحب التدوين اوى ... وكان نفسى اتعرف على ناس جديده تحترم دماغى .
اجمل كلمة قيلت فى وصف مدونتك ؟
استمر ...
احلى بوست كتابته ؟
عمرى ما كتبت حاجه وكنت حاسس انها حلوه
افضل مدونه قريتها ؟
لحد دلوقتى ( المهم هات من الاخر )
افضل بوست قريته ؟
كتير جدا مش فاكر
الشغل بالنسبالك ايه ؟
اى شغل فيهم ؟ انا بشتغل حاجات كتير ... بس اللى بيجيب المم ( الاكل يعنى ) كرهنى فى حياتى وكرهنى فى الناس . مجبر اخاك لابطل
الانترنت بالنسبالك ايه ؟
خرووووووووووووج
تمرر التاج لمين ؟
كل الناس اللى مهتمه بيه واللى مش مهتمه بيه ودول اكتر
هناك 13 تعليقًا:
يا فنان بجد انا كنت هسالك عن اللوحة....انت كل مرة بتفاجانى بحاجة تبهرنى بيك اكتر...اللوحة دى عاجبانى اوى من زمان وبنسى اسالك عليها..ولو تلاحظ كل ما انبهر بحاجة اوى واسالك مين صاحبها تطلع انت.....انت عشان بتعرف تعمل ابداع مش بتقول وتسيح لنفسك كتير.....جامد فعلا
على فكرة انا كنت هقولك تجاوب التاج بس قلت بلاش ادبسك على الهواء مباشرة كدة واقولك بينى وبينك..
اجاباتك هايلة لانها خارجة من شخص هايل..انا فخورة بيك.وربنا يخليلك بناتك يارب ويفرحك على طول.
طبعا الكلام الجامد اللى عنى دة مش هرد عليك بس دايما فى واحد صاحبى بيقول الكويس بيشوف الناس كويسين..يعنى رؤيتك فى الناس هى انعكاس اللى جواك..بس كدة.
سلام يا فنان
اجاباتك جميلة :)
شكلك هادى اوى ^-^
ربنا يوفقك ويكرمك يارب
التاج ده قربنا من شخصيتك اكتر شوية
وعرفنا جانب خفي كنا محتاجين نعرفه
ونقرب منك
إن شاء الله بالتوفيق دايماً
تحياتي
وليد
مررت لالقي التحيه
اتمني ان تسنح لي الفرصه كالسابق لقراءه كل ما بالمدونه
ولكن صبرا جميل والله المستعان
تحياتي
اللوحه طبعا جميله جدا
الاجابات لطيفه تنم عن شخصيه فطريه
يعني علي فطرة المولي عز وجل
ربنا يكرمك
صباح الفل :)
التاج اللى فات
انا خدته من غير ماتطلب
لكن المرة دى انا بقولك شكراً
بعد اجاباتك التلقائية متهيأللى
اجاباتى حتبقى دمها تقيل و(غلسة)
تحياتى لك ودعواتى ربنا يحرسك
بناتك ويفرحك بهن يارب.
استمر
:D:D:D
ايه مش بتعجبك الكلمه دي
:D
تحياتي يا باشا
الاجابات جميلة اوي وقربتنا منك جدا
بس ليه المود دا الغالب ليه مش تبتسم للدنيا
وكمان اللوحه تحفه بجد اكثر من فنان ودا احساسي من اول بوست انت علقت فيه عندي
مش عارفة ليه حسيت بهدوووووء جميل و انا باقرأ اجاباتك
امممممممممم
أعتقد انك بتحب الصمت بردوا
صح
و يمكن بتميل للهدوء بردوا؟؟
بس ليه الاكتئاب و الاحباط
لا شئ يستاهل انك تزعل نفسك عشانه
سيبها لله
دمت بود
اللوحه جميله اوي علي فكره :)
واجمل منها الاجابات
بس ليه الموود ده ؟؟
انا فعلا عجبانى اللوحة اللى فى لملف التعريف جدا واللى شدنى اكتر فى اجاباتك انك مش دارس فن معرفش كان عندى تخيل ولسه موجود ان الانسان ممكن الموهبة تموت جواه مادام مش دارس يمكن علشان انا عملت كده فى نفسى
اما مدونة انجى بجد ماشاء الله عليها مفيش بوست الا لما بيكون متميز
ايه الغيبه دي كلها
مستنيه بوست جديد
مبرووووووووووك انا بجد والله العظيم فرحت لما قلتلى على الجايزة..بجد مبروك من قلبى
نفسى مرة احضر وانبهر وانبسط بس معلش ماليش نصيب..بس اكيد فى يوم هشوف الابداع دة وانبسط بيه
مبروك بجد يارب على طول ناجح ومبسوط بشغلك ونجاحك دة يارب...
واحشنى جدا على فكرة
إرسال تعليق