ا
النهارده انا هاروح المدرسه علشان سنه تانيه جات احنا نجحنا فى سنه اولى ... شاطرين وكويسين اوى اوى وكمان هانجهز الحاجات قبل ما نام انا وماما يعنى ايه الحاجات ( الجزمه والشراب والمريله والشنطه كمان فيها الكراريس والقلم الرصاص والاستيكه والساندوتش ) للاسف كل الحاجات دى مش موجوده الا المريله بتاعة السنه اللى فاتت يعنى طب هاروح المدرسه ازاى من غير شنطه ومن غير جزمه جديده ..؟؟؟؟؟؟ سائلت بابا انت مش كلمت عمواعلشان يجبلى الشنطه يابابا .. بابا قالى ايوه بس فى عنيه كان فيه حاجه مكسوره مش عارفه يمكن عموا اللى هو اخو بابا مش قدر يجبب الجزمه والشنطه ؟ بابا انا سائلته تانى مع انه بيكره انى اكون لحوحه اوى اوى ... بس انا لازم اسائله تانى ... بابا انت كلمت عموا ولا لسه المدرسه بكره يابابا ؟؟؟؟؟... بابا قال طيب ومسك سماعة التليفون وكلم عمو بس تليفون عمو مشغول ... يووووووه بقى ... حاضر روحى يا بطه وانا هاشوف موضوع الجزمه والشنطه .. انا هامشى يا بابا بس اوعى تنسى تكلم عمو ... حاضر يا بطه
بابا بيقول حاضر وعنيه مش مبسوطه خالص ليه مش عارفه ماهو عمو يعنى بيجبلى دايما الحاجات والسنه اللى فاتت جابلى الشنطه بتاعة بنت عمو لولو لما كانت فى الحضانه وانا استعملتها...وكانت حلوه ولونها اخضر وكانت لطيفه اوى بابا مش كان مدايق كده طب يعنى ممكن الشنطه تجى بكره او بعد بكره ممكن يكون عمو نسى او مش فاضى ينزل يجيبها ... بابا زعلان ليه ؟ .
والجزمه بقى هى دى اللى حكايه انا اصلا الجزمه بقت وشها زى قفاها وشكلها بقى مقرف واتفتحت من قدام ومش عارفه اعملها ايه يعنى بدخل تراب والشراب بيبقى ريحته وحشه لما ارجع من المدرسه ثم انى لازم يكون معايا جزمه جديده مهو كل البنات بيروحوا بجزم جديده المدرسه اشمعنى انا ... يووووووووه بقى وعموا كمان نسى دى مش ممكن كده ... امال بابا ده قاعد بيعمل ايه ليه هو متكل على عمو علشان يجيب الحاجات ... يمكن يكون بابا مش معاه فلوس ... جايز
؟؟؟؟؟؟؟؟؟
ممكن حد يجاوب بطه . ؟؟؟؟؟؟؟؟؟؟
