الأربعاء، سبتمبر 27، 2006

احباط

اربعين سته ومش عارف اعيش وسط الناس
انا فى غلطات لازم تتصلح ومش عارف اصلحها
احساس عارم بالملل والحباط الديون قسمت وسطى
مش عارف اتحرك كأنى مسجون

الاثنين، سبتمبر 18، 2006

بنات وحريم 3


جيهان ....
حب بالمراسله سنتين بنراسل بعض انا فى السعوديه وهى فى مصر .... لانعرف بعض ولا شوفنا بعض ... كان صور وجوابات بس واتصالات ... مش اكتر من كده ... نزلت اجازه ناوى جواز وجايب شبكه معايا ... فى السعوديه يقى ... اتكلمت فى البيت عنها وطلبت انى اتجوازها ... واتحركت قوه من عندنا فى الى ناحية الهدف وبعد السؤال والتنقيب لقيوا جيهان بنت عايشه وسط 8 بنات وولدين ماشاء الله الحياه صعبه طبعا تحت ضغط الظرف الاجتماعى والاقتصادى الحياه جحيم ... طلع ولد من الولين بيتاجر فى المخدرات الى جانب انه محبوس وكمان هجام ... وتفاصيل تانيه ... كنت مصر عليها وكنت عايز اجوزها بأى شكل ... عشت مع جيهان اسبوع كامل فى البيت كان جوز اختها مستضيفنى فى بيته ... جيهان بنت لطيفه جدا بس انا مقدرتش اكمل علشان الهيئه الاجتماعيه وكمان فى حاجه بسيطه جدا جيهان مش اخدت بالها منها انها لو كانت ضغطت شويه عليه واصرت انها تكون متمسكه بيه وانها ممكن تبيع الدنيا علشانى كنت ممكن فعلا اتجوزها واهد المعبد على اللى فيه بس جيهان مش عملت كده ... فشل الموضوع ... انا دلوقتى برضوا معرفش عنها اى حاجه ومعرفش هى فين وبتعمل ايه ؟
على فكره عدد الرسايل اللى بينى وبين جيهان وصل الى 172رساله على مدار سنتين دى اللى انا بعتها بس غير الصور ى جيهانكانت بنت لذيذه كنت فعلا بتمناها بس يخساره ...


بنت خالتى
ام بناتى ومراتى فى نفس الوقت
كانت متجوزه
و فى ظل ظرف اجتماعى متخلف انفصلت ...وكمان نتيجة تربيه مشصحيحه ...اتجوزتها انا وخلفت منها بطه ومنه ( نشوى ) مش هاقدر احكى على حياتى علشان ده واقع انا عايشه دلوقتى ومعرفش حكمى عليه هايكون ايه؟
بس بجد ... الحياه صعبه


فاطمه تالت ... ممثله مغموره من صعيد مصر ممثله امكانيتها مش عاديه ...بالنسبهللمسرحغةالصعيد .. مشكلتها الوحيده انها كل شىء مباح...فاطمه او بطه او مشمش ... كانت عايشه الحياه بالطول والعرض راحتحياتها وادمرت لانها مش فكرت فى بكره وايه اللى ممكن يحصل ... كنت بحب فاطمه علشان انا عارف ان جواها طفله صغيره غير الحدالمستباح ده مفكرتش لحظهواحده انى اعمل معاها جنس ده كان هايجننها ..لانها دايما الناس محتاجاها فى السرير ... الا انا ... صور بقى وحاجات فاطمه كانت بنت غريبه صوتها عالى وتردح لمحافظه والقرى اللى جنبها ...كانت معايا يعنى حاجه غريبه ايه الرقه والطعامه دى وخفة الدم ......فاطمه لما حست انى ممكن افكر انى اتجوزها رغم كل حاجه الا انها قالت : مش ممكن اخرب بيتك انا معجب بيها جدا لانها كنت حد يعنى عارف يعنى ايه الحياه ...فاطمه انا من الشخصيات اللى بحترمها جدا
اتجوزت وخلفت محمد واطلقت لسه بتشتغل مسرح بس خلاص مش زى الاول يعنى الحياه خلتها تعبت اوى ده اللى انا بسمعه عنها


نشوى .. ..سميت بنتى التانيه على اسمها تفاصيل من المغامرات والحكايات اللى مش بتنتهى (وجع صغير ) فعلامنتهى الالم ... مليش نفس اتكلم عنها



الحكيات لسه مستمره ومش بتنتهى فى تفاصيل صغيره فى النص وحكايات تانيه مش احكى عنها يمكن يكون جبن منى عارف اويمكن يكون حاجات انا مش عايز احكى عنها علشان دايما بكرها واخبيها
انا عرف ا ن ده عيوب فى الشخصيه
بس عادى عادى

الأحد، سبتمبر 17، 2006

غريبه


بنتى بقى عمرها 6 سنين ودخلت المدرسه النهارده

الجمعة، سبتمبر 15، 2006

خوف

فى خوف جوايا معرفش ايه سببه
مش عارف ايه اللى دايقنى بعد ما كتبت البوست اللى فات
مش عايز اكمل
معرفش ايه السبب
غريبه يمكن علشان مفيش حد علق غير ليال
مش عارف
مع انى عمرى ما اهتميت
ولسه مش مقرراعمل ايه

السبت، سبتمبر 09، 2006

2 بنات وحريم


ايمان .... ما كنتش معايا فى المعهد اتعرفت عليها عن طريق واحده كانت شاعره او كانت بتقول كده كانت دايما بتتكلم عنها قدامى ... طلبت منها انى اشوفها .. قالت هى كمان عايزه تشوفك علشان تتكلم معاك فى القصايد اللى انت كاتبها ... قابلتها فى ليله شعريه كان عاملها شاعر كبير اوى اوى من الصعيد الجوانى ايام ما كنت باحترمه ... المهم بعد اليله اتقابلنا واتكلمنا مع بعض ... ايمان حزن مخيم على كل مشاعرها امها كانت ميته من فتره قريبه وحيده هى على سبع ولاد ... ماشاء الله ... كانت حاسه بيه اوى ماليانه مشاعر وكانت تسائلنى دايما عن القصايد بتاعتى كتبت فيها شعر يعنى كائنى قيس ... الصراحه ايمان اول حد لمس قلبى معرفش ليه ...؟ هى كانت حلوه واجمل ما فيها نقطه لونها بنى جنب ننى عينها الشمال او اليمين مش فاكر ايمان ... قابلتنى مرتين او تلاته المره الرابعه ما جتش ... معرفتش منها اى تفاصيل عنها لا صوره ولا عنوان ... سافرت على بلدها بعد الامتحانات وصلتها على المحطه اديتها صورة طفل صغير ومجله مشتريها اسمها ( الشاهد )... المهم ايمان راحت وهى علامه استفهام ..
ملحوظه ( بعد حوالى كتير خالص من السنين اللى انا مش عارف عددها كنت مسافر القاهره قابلت وحده معاها ولد شقى جد ومعاها جوزاها ... غريبه ان الست قعدت تبص عليه لحد ما وصلنا القاهره معرفش ايه السبب ... الوش ده انا شوفته فين مش فاكر؟ ... ايمان كبرت اوى اوى ... ومعاها ولد .. معرفش اسمه ... مقدرتش اتكلم معاها ولا هى عملت حاجه غير انها كانت بتبصلى انا كنت مش متاكد انها هى .. اتاكدت لما جات واحده نادت عليها قالتلها يلا يا ايمان ... نزلت على محطة القاهره وايمان عيونها فى ضهرى وهى ما ذالت علامة استفهام ) ... غريبه
نعمه .... بنت اخت الاستاذ ناجى ... اللى كان بيته جنب الوحده العسكريه بتاعتنا كان عنده محل وبيشغلها بلوئمتها .. استاذ ناجى كان صعب .. كانا بنحب بعض من بعيد لبعيد كنت
اسهر اليل كله اكتب عنى وعنها هى قالت ايه وانا قولت ايه لما كنت اروح اشترى منها علبة سجاير ... اجوزت لانه كانت عايزه تتجوز باى شكل كانت مستعجله مع انها كانت صغيره اوى هى كانت الصراحه بنت لذيذه وجميله وانا كنت عيل معفن جاى من الصعيد اتوجزت برضوا واحد من الصعيد اسمه على اسمى .... ( مسافه) ههههههههه
بعد ما خلصت جيش كنت ببعت لها سلامات اعترضت وقالت مش عايزه اعرف حاجه عنه
هههههههههههههههههههههههههههههه
انسانه محترمه جدا ربنا يزيد عليها نعمة استقرارها ...







رحمه ... اول تجربه جنس .. كانت شغاله معايا فى محل من المحلات مش ممكن تقول عليها انها ست اخرها بنت سنها صغير اوى وكان معاها بنت من جوزها اللى سافر فى عمليته تهريب ما رجعش اكتر من ست سنين تجربه كانت فريده بالنسبالى كانت بتقول على بنتها بنت اختها قدام صاحب المحل واغريبه ان البنت كانت تنادى عليها وتقولها يا خالتى مع انها كانت صغيره .. اول مره اكتشف العالم التانى من الجنس الاخر ... كنا هانروح فى داهيه لكن ربنا ستر ... حملت منى وكانت سنينها سواد يعنى اجهاض وشفط وحاجات كده انا اصلا لحد دلوقتى مش مصدق حصلت منى ازاى ؟؟؟؟؟؟؟؟ بس الصراحه كانت تجربه مفيده وكانت صعبه اوى اوى .. فى بلد زى اللى انا عايش فيها دى ... ممكن يكون حد من اللى بيقرى البوست مش متصور حجم المشكله قد ايه بس فعلا كانت مشكله كبيره انا فكرت انى انتحر فيها ... بس فعلا عدت بسلام ... مش عارف يمكن اكون كنت طايش ومش فاهم حاجه... رحمه اتجوزت فى بلد جنبنا كده ... وبنتها اكيد كبرت وها تتجوز دلوقتى ... او معرفش هى فين ...
سميره ..... اوووووووف على سميره عايشه فى السعوديه من تلاتين سنه ...
سميره وارتنى اللى عمرى ما شوفته فى حياتى هى دى الست اللى علمتنى معنى ازاى الواحد يعشق ويتعذب بجد . على اديها اتعلمت اعرف يعنى ايه الراجل لازم يتعامل مع الست بكل احترام سميره كانت مفتقده الحب ومفتقده الجنس على مشارف الاربعين ورعب من الحياه حاجه كده كانت فوق الوصف اول واحده خالتنى اسمع ام كلثوم .. واسمع كاظم اللى بيدق دايما على اوتار او ببان الستات اللى فى السن ده ... سميره عملت اللى مش ممكن تعمله ست فى ظروف بلد زى السعوديه معايا وانا كنت ( ارنب ) ده هو الوصف اللى اتوصفت بيه لما عرفت انى مش ممكن اقدر اعمل حاجه وانا خايف كنت خايف من ايه ؟؟؟؟؟؟ مش عارف ... رعب كنت مرعوب من ايه مش عارف بس انا كنت غبى جدا كنت بحب سميره اوى اوى مكنتش قادر استغنى عنها بقيت عامله زى الادمان سميره كانت على التليفون با لخمس سعات تقريبا يعنى كنت عايش معاها بس عبر الاثير .. مرتين روحت عندها البيت بس تعمل ايه يا بو الرحال وانت خايف صعبه الصراحه سميره دى انتقمت منى شر انتقام وهى كمان اتعذبت ... سميره خالتنى اخد حبوب منومه علشان اعرف انا م باليل وكمان اتصرف تصرفات زى المجانين كنت بنتظرها تعدى من قدام المحل بالتلت سعات فى الشمس علشان بس اشوفها فى العربيه سميره عرفت اللى فيها انى مش قادر اعمل معاها جنس لانى خايف كنت كل اللى ممكن اقدر اعمله انى احبها بس كنت بحب سميره اوى اوى ... بعد فتره من انها راحت لحالها وسابتنى واتعرفت على واحد تانى يعنى حاجه كده روعه كنت اشوفها معاه فى عربيته ... عرفت انى ممكن اموت سميره راحت لحالها زى كائنها شدت الفيشه من الكهربا معرفش عنها اى حاجه اللى نفعنى انى ماشيت من المكان اللى انا كنت شغال فيه وروحت مكان تانى ... يااااااااااااه هى فين دلوقتى؟ ... سميره سلفتنى الف ريال وجابتلى ساعه فى عيد ميلادى .
انا اكتشفت انى لسه فى نا س تانى
للبوست باقيه
معلش فى حاجه غلط فى البوست اللى قبل ده يعنى مش محسوب كنت لسه هاكتب العنوان ولقيته اتعمل بوست
معرفش ايه اللى حصل بس ده اللى انا كاتبه مكان البوست اللى فات اللى هو عنوان بس
ولسه هاكمل ... اوكى
معلش استحملونى ...

الخميس، سبتمبر 07، 2006

بنات .... و .... حريم ...


  • ابتسام ... البنت اللى كانت معايا فى المدرسه الابتدائيه كنت اسيب الولاد والعب معاها ( ستيته ) اتجوزت صلاح النقاش ومعاها اربع عيال
  • علا ... بنت كانت مغتربه عن البلد ابوها كان من بحرى فين معرفش كان مدير مدرسه علا كانت زى الولد بالظبط يعنى تلعب معانا كوره وتلبس بنطولنات بس كانت بنت رقيقه كنت بحبها انا وايمن اقصد الدكتور ايمن ... دكتور فى الجامعه دلوقتى علا سافرت معرفش عنها حاجه ومعرفش هى راحت فين ...
  • فاطمه ... ابوها كان مدرس رياضيات .. طوبله وبيضه وعسل الصراحه كانت لذيذه كانت بتروح السوق التجارى تجبلى شكولاته وتشتريلى بسكوت شمعدان وكمان نواعم ده كان لسه نازل فى السوق ... معرفش اذا كانت كانت بتحبنى ولا ايه فاطمه عايشه فى نفس البلد بس متجوزه مين ؟ ومعها كام عيل معرفش بس بيقولوا بقيت زى برميل الطرشى ...
  • سلوى ... يعنى ام الجنان كانت مجنونه فعلا كان صدرها احلى حاجه فيها من بحرى سلوى بنطالونات جينز وشعر مالموم لورا ديل حصان اتعرفنا فى ففريق التمثيل فى المدرسه كنت بموت فيها احب اروحلها البيت واقعد معاها كانت اكبر منى وكنا بنحب بعض اوى اوى ... سلوى كانت بتحب ناس تانيه مش مهم بس انا كنت بحبها اوى ... المهم ابوها الصراحه كان راجل مش بيسيب القزازه من ايده .. رجعت القاهره تانى بعد ما ابوها مات...... شوفتها مره فى القاهره بعد حوالى اربع او خمس سنين ساكنه فى حى شعبى كده اسمه ايه ... فيه حاجه الديابه .... فى الزياره حاولت ارجع القصه القديمه علشان هى اللى سابتنى وانتقم منها قال .... ههههههههههه اكتشفت انى لسه بحبها واتواعدنا نتقابل تانى يااااااااااااه لا نا شوفتها ولا هى شافتنى من بعدها
  • صابرين او اميره .... كنت بشتغل مخرج للاطفال فى مركز الشباب وكنا مع بعض فى المدرسه بس انا كنت اكبر منها كانت خالتها الاخصائيه الاجتماعيه شافتنا مع بعض فى المرسه كانت جايبالى شريط منير ( اتكلمى ) هديه بمناسبة عيد ميلادى ... اتقابلنا عند المعبد فى يوم اغبر اتفضحنا فى البلد كلها كنا هانروح فى داهيه لكن ربنا ستر .... صابرين اعتقد انها لسه ما تجوزتش لحد دلوقتى ... معرفش هى فين ؟
  • وفاء.... كانوا بيسموها اصحابى بتاع المطافى .......... هههههههه لانها كنت بتلبس جزم برقبه طويله وكان لبسها غريب .. وشعرها كان جارسووووو تجوزت دلوقتى بس نفسى اعرف هى ودت الجوبات بتاعتى فين ؟؟؟؟؟؟؟؟
  • فاطمه تانى ... ابوها مقاول ... خبره مش ابوها ... لا هى ... اول بنت مسكت ايدى ... واول بنت كنت اقولها قلعت لها الجاكت بتاع اخهويا فى الشتا وادتهولها تلبسوا ... واول واحده كانت تقولى زهقت من الشعر وكلام الهبال اللى انت بتكتبه ده ... كانت بتعرف واحد اسمه محمود ... بيشتغل فى السياحه كانت بتروح تقابله وساعات بتقضى اليوم معاه ... زكانت قال ايه بتحبنى ...مره كنا قاعدين على النيل وقالتلى ... مسافه قولت نعم ... قالت انا بحبك .......... ضحكت كائنها قالت نوكته ههههههههههه .... فاطمه اتجوزت ابن عمها احمد مع انها كنت مش بتحبه بس اتجوزته علشان فلوس ابوها وعمها ما تطلعش بره
  • انتظرونى للبوست باقيه لسه الاسامى ماخلصتش

الأحد، سبتمبر 03، 2006

حلوة الاسئله دى

هل أنت عقلاني أكثر أم عاطفي؟
عاطفى وهو ده اللى ودانى فى داهيه ...
صف شخصيتك في خمس كلمات؟
عبيط ، واهبل ، وفنان ، وفقرى ، ونحس

اذا كان لكل انسان شبيه من الحيوانات , أي الحيوانات يشبهك؟
الحمار
ما هو لونك المفضل؟
احمر فرمليون
هل انت اجتماعي أكثر أم منعزل؟
كنت زمان اجتماعى بس دلوقتى بطلت
ماذا يشكل أصدقائك بالنسبة لك؟
كانوا زمان كل حياتى بس دلوقتى خلاص هموم الدنيا اهم .. بس بحب الشغل معاهم لما يكون فى فن
هل أنت مرتبط بعائلتك؟
بيتى اوكى ... باقى العيله لاء ... بيقولوا عليه انعزالى
هل أنت عصبي أكثر أم هادىء؟
عصبى
هل تفضل فصل الصيف أم الشتاء؟
الشتاء صبعا
متى آخر مرة بكيت فيها ؟ و لماذا؟
من حوالى شهرين كنت متخانق مع ؟؟؟؟؟؟؟؟؟؟ يعنى لازم اقول ... مع المدام